Жашоо дагы кыйындайбы? Касымалиев күйүүчү май 140 сомго дейре көтөрүлөрүн айтты
Өкмөт башчы Адылбек Касымалиев 1-октябрдан тарта минималдык пенсияны 8800 сом кыла турганын билдирди. Кары адам ушул суммага бир ай кантип жашайт? Тамак-ашына жетеби же дары-дармегинеби? Күндөн-күнгө кымбатчылык ооздукталбай, баалардын өсүп атканын көрүүдөбүз.
Жашоо дагы кыйындайбы? Касымалиевдин айтымында, күйүүчү май 130-140 сомго дейре көтөрүлөт экен. Анда дагы каатчылык жаралып, азык-түлүк, дээрлик керектүү буюмдар кымбаттай турганы белгилүү. Турмуш формуласы ушундай, күйүүчү майлардын баасы жогорулаган сайын башкаларына да таасир этип, кыйынчылык улана бермекчи...
Негизи өкмөт кымбатчылыкка каршы кандай иш-аракеттерди жасап жатканын, бул багыттагы алдыга карай койгон план-программаларын айтып, элди ынандыруу жолу менен иштесе болбойт беле? Анүчүн акылман баш керек да. Үмүт кыла туралы. Балким ШОС өткөндөн кийин кадр саясатында жаңылануулар болобу?
