Эмнеге Райымбек Матраимовдун камак мөөнөтү узарууда?
Март айында Райымбек Матраимов кармалган. Коомчулуктун тар чөйрөсүндө өз эрки менен колго түшкөнү айтылган. Ага тийешелүү мүлктөрүнүн баарын бийлик алып койгону, болжонгон сумманы төлөп бүтүп калганы да маалымдалган эле. А эмнеге эркиндикке чыкпай атат? Жакында эле камак мөөнөтү август айына чейин узартылганы жарыяланды. Соңку убакта Райымбек Матраимовдун эркиндигин күткөндөр, боору ооругандар көбөйүүдө. Азыр башка миллионерлер, миллиардерлер көбөйгөнүн кантебиз? Андан он эсе байлар көмүскөдөн доор сүрүп жатышканы жалганбы? Теңдик керек да. Акыйкаттан алганда, бажы кызматынын экс-төрага орун басарын камакта кармай берүүнүн актуалдуулугу жок. Убагында каарманыбыз бай болуп, эл менен да бөлүшкөндүр. Азыр бүтүндөй дүнүйө-мүлкүн алып коюшту. Эмнеге эркиндикке чыгарбай кармашууда? Же биз билбеген да сырлар барбы? Таңгаласың. Ырайым кылуу керек...
"Азия Ньюс" гезити
