1000 доллар пара сураган тергөөчү акча алып жатканда кармалды (фото)

12-декабрь, 21:58

1 310 ᠌ ᠌ ᠌ ᠌᠌ ᠌ ᠌᠌

Бүгүн, 12-декабрдын кечинде, Бишкек ШИИБдин Жол кырсыктары боюнча тергөө кызматынын жетекчиси М.О. пара алып жаткан жеринен кармалды. 

Тергөөчү эки ай мурда борбор калаада болгон жол кырсыгы боюнча ишти кыскартуу үчүн акча талап кылган. 

"Авариянын айыпкери жабырлануучунун чыгымдарын төлөп берип, ал тосмо арыз жазган. Бирок ага карабай тергөөчү күнөөкөрдөн акча опузалаган. Ал 30 миң сом алып жаткан жеринен колго түштү", — деп айтылат маалыматта.

Милиционер бүгүн, 12-декабрда, кечке жуук кармалган, анын кабинети тинтүүгө алынды. Кармоо иш-чараларын Финпол менен ИИМдин Ички иликтөө кызматы жүргүзгөн.

Aryba.kg