Гүлшайыр Садыбакасова: “Үмүттүн апасы экөөбүз силерди сагынып өтөбүз”
Кыргыз Республикасынын эл артисти, “Кыз-Бурак” тобунун негиздөөчүсү Гүлшайыр Садыбакасова 19 жашка толуп-толбой көз жумган уулу Эркин менен аянтта каза болгон Үмүтбектин жаркын элеси түбөлүккө эсибизде сакталарын айтат.
“Окшошкон асылдарым… арстандарым… балапандарым… садагаларым! Ойноп, оюнга тойбогон… күлүп, күлкүгө тойбогон эркетайларым! Бул жашоонун кызыгын көрүп-көрбөй, 19 жашка толуп-толбой о дүйнөгө шашып, ээрчишип кете бердиңер. Аллахтын айтканына, дегенине баш ийип отуруп калдык. Эркинтайым, Үмүттүн апасы экөөбүз силерди эстеп, сагынып, кусаланып, ыйлап, күйүп жүрүп бул жашоодон өтөбүз. Окшошкон асылдарым, силердин жаркын элесиңер түбөлүккө эсибизде сакталат. Аллахым өз мээримине алып, фирдаус багында ойноп-күлүп жүргөнүңөрдү насип кылсын!”
