Желим жана таштанды жаккандарга айыппул салынат
Бишкек шаардык мэриясы шаар тургундарын мешке таштанды менен желимди жакпоого чакырып, эреже бузгандарга айып салынарын эскертүүдө.
Бишкек шаардык санитардык-экологиялык инспекция менен райондук акимиаттын кызматкерлери күн сайын шаардагы жер тамда жашагандарды көзөмөлгө алууда.
Аба-ырайы сууктагандан бери мешке желим жана таштанды жаккан фактылар аныктала баштады. Экологиялык эреже бузуулар жөнүндөгү кодекстин 71-беренеси боюнча таштанды жаккандарга 5,5 миң сом, юридикалык жактарга 17 миң сом айып салынат. Ал эми өндүрүш таштандылары менен башка предметтерди жаккандарга, ошондой эле жалбырак өрттөгөндөргө 7,5 миңден 23 миң сомго чейин айып салынат.
Эгер эреже бузгандар боюнча маалыматтарды төмөнкү номерлер аркылуу кабарласаңыздар болот:
(0312) 56-81-59 — мэриянын санитардык-экологиялык күзөтү;
(0505) 88-83-15 — санитардык-экологиялык күзөттүн WhatsApp каналы (сүрөт, видео үчүн).