Аскерлер команданы күтүп жатышат. Караңгыга чейин элди таратабы?

02-март, 17:18

1 050 ᠌ ᠌ ᠌ ᠌᠌ ᠌ ᠌᠌

Борбор шаарыбыздын Ала-Тоо аянтында Садыр Жапаровдун боштондугун талап кылгандар тарай элек. Элдин арасында орган кызматкерлери арбын жүрүшөт, алар тымызын иликтөө кылышууда. Митинг катышуучулары “Садыр Жапаровду абактан чыгармайынча кетпейбиз” деп айтышууда. Ал эми аксакалдар, Сабыр Жапаров баш болгон жыйындын уюштуруучулары президенттик аппараттын өкүлүнө жолугушуп, үч күндөн кийин жооп алышарын билдиришкен. Элди тараганга үндөп атышат. Бирок, жаалданган көпчүлүк ичинде эмоцияга алдыргандар бар. Милиция жетекчилиги болсо ыңгайлуу жагдайды күтүүдө. Айрым маалыматтар боюнча, команда түшсө эле Ала-Тоо аянтын тазалап салууга аскерлер шымаланып турушат. Сыягы, караңгы киргиче элди таратышары байкалып калды.

Aryba.kg