“Сасык тумоодон өлүп да калышат”. Министрлик сактануу эрежелерин эскертти

29-декабрь, 11:58

1 893 ᠌ ᠌ ᠌ ᠌᠌ ᠌ ᠌᠌

Грипптен сактануунун санитардык эрежелеринен сырткары, дарыгер менен кеңешип, иммунитетти көтөргөн каражаттарды колдонуу керектиги айтылды.

Саламаттык сактоо министрлиги сасык тумоо кооптуу инфекциялык оорулардын катарында экенин жана анын кесепети кейиштүү болорун эскертти. Министрлик грипп чоң-кичинеге карабай жугарын жана вирус мурун аркылуу кирип, организмди жабырката турганын түшүндүрдү.

"Көбү сасык тумоо менен бир нече күн ооруп айыгат. Арасында аны оор көтөргөндөр да бар. Илдет өтүшүп, өлүм учурларына чейин алып барат" деп жазылган маалыматта.

Грипптен сактануунун жолдору:

-- эпидемиялык сезонго чейин сасык тумоого каршы эмдөөдөн өткүлө;

-- эл көп чогулган жерлерге барбай туруңуз;

-- беткап тагыныңыздар;

-- ооруп жаткан адамдардан оолак болуңуз;

-- колду самын менен жакшылап жууңуз;

-- бөлмө, кеңселерди желдетип туруңуз;

-- бөлмөдөгү аба кургак эмес, нымдуу болуп турушу керек;

-- дарыгер менен кеңешип, иммунитетти көтөргөн каражаттарды колдонуңуз.