Элмурза Сатыбалдиев, ЖК депутаты: “Жаңы министрге үмүт бар”
-- Элмурза Ракиевич, мурдагы саламаттык сактоо министри Алымкадыр Бейшеналиевдин ишмердүүлүгүнө баа бересизби? Бул тармакта ал кандай иштеди?
-- Эми... күпүлдөп иштеди. Жакшы эле иштеген жерлери, анча-мынча жакпаган жактары да бар. Адамда жакшы өңүтү, сөзсүз жаман жагы да болот. Мен бул кишиге сын айта албайм. Бирок менин оюмча, дурус эле кызмат кылып кетти окшойт.
-- Эмне үчүн кызматтан кеткенинин себебин билбейсизби?
-- Жок, ал боюнча маалыматым жок. Өзү айтты го, “өз арызым менен кеттим” деп. Себептерин өзү билер.
-- Жаңы талапкер жөнүндө эмне айта аласыз?
-- Мен аны тааныбайт экем. Кечээ комитетте көрдүм. “Медициналык жардам берүү” деген кесиби бар экен. Мындай адис менимче, биринчи жолу келип атат. Ошон үчүн үмүтүм бар. Шайлайлы, иштеп көрсүн.
"Азия Ньюс" гезити
