Акыркы кабарлар
» Коом » Алименттен качкандардын саны 42 миңге жетти
Алименттен качкандардын саны 42 миңге жетти
20-декабрь, 09:30
2017-жылы Кыргызстанда алимент төлөбөй жүргөндөрдүн саны 42 миң адамга жеткен. Алардын 92% аталар.
Алименттик милдеттенмелерди жөнгө салчу мыйзамга өзгөртүүлөрдү киргизүү жөнүндө мыйзам долбоору парламенттик угууга чыгарылат. Иш-чара 20-декабрда Жогорку Кеңештин Социалдык маселелер, билим берүү, илим, маданият жана саламаттык сактоо комитетинде болот.
Депутаттар эң аз алименттин көлөмүн 1800 сом кылуу сунушташууда. Учурда айына 200-300 сомдон алимент төлөгөндөр бар.
Буга чейин Жогорку Кеңештин аталган комитетиндеги талкууда жыл сайын ажырашкан үй-бүлөлөрдүн саны 10 миңдей болуп жатканы белгиленген.
Эскерте кетсек, Кыргызстанда 1990-жылкы "Алимент жөнүндө" мыйзам иштеп келатат.
Aryba.kg
