Саясаттын азартына баткан Бакыт Сыдыковдун арааны ачылдыбы?
“Жаңы Кыргызстан” партиясы раматылык Үсөн Сыдыковдуку эле. Аны баласы Бакыт Сыдыков алып чыгып, жергиликтүү жана шаардык кеңештердин шайлоосуна агыткандагысыбы? Асыресе, республика боюнча дуулдап эле жатып калышты. “Бийликчил партиялар болбойт” дегендей айтышкан. Бирок “Ата Журт – Кыргызстан” фракциясынын лидери Бакыт Сыдыков саясый оюнчулардын көзүрүнө айланып, шымалана киришкенин кантебиз? Баласы Алымбекти “Жаңы күчтөн” Бишкек шаардык кеңешине кайрадан аттантып отурат. Бул партияны кан төгүп кеткен Курманбек Бакиевдин башкы прокурору Камбаралы Конгантиевдин уулу Куванычбек Конгантиев жетектөөдө. Чырмалышып, жуурулушуп бараткандарын карагылачы? Аталган партиядан эски-жаңы бийликтердин жакындары, көпөстөрдүн балдары мандат үчүн жулунуп чыгышты. Баягы карапайым эл таңгалуу менен карап тургандай. Аталары кыйратпаган эми балдары кыргыз жерин калчашабы?..
"Азия Ньюс" гезити
