Сиз бет терисин күтө билүү тууралуу көптү билесиз, биз аны күндөн коргойбуз, нымдаштыруучу кремдерди колдонобуз. Алкоголь жана чылым чегүүдөн алыс болгонго аракет кылабыз. Бирок чылым чегүүдөн дагы ашыкча бет терисине зыян алып келе турган адаттар бар, аларга төмөндө көз жүгүртүп, сизде ушундай адаттар бар болсо, андан тезирээк арылууга аракет кылыңыз!

Уктаар алдында макияжды тазалабай уктоо

Аялдар өмүрүндө бир ирет болсо да бетиндеги макияжды тазалабай уктаган учур болот. Айрыкча жаш кыздар макияжын уктаар алдында өчүрбөйт. Бул териге оңбогондой зыян алып келет. Тери түнкүсүн калыбына келүү мүмкүндүгүнөн ажырайт.

Пилингди абдан көп колдонуу

Ар кандай скрабдарды көп колдонуу дагы теринин убагынан эрте картаюусуна алып келет. Аны дайыма колдонуудан теринин үстүңкү катмары зыянга учурап, тери ооруларын пайда кылат.

Бетке чыккан ысыктарды сыгып салуу

Дарыгерлер мунун зыян экенин эскертишет. Бетке инфекция кирип кетиши толук мүмкүн.

Кофени ашыкча колдонуу

Кофеинди, коюу демделген чайды көп дозада колдонуу бетте эрте бырыштын пайда болуусуна алып келет.

Ысык душка көп түшүү

Ысык суу бетти кургатып, бырышты пайда кылат.

Бөлүшүү:

Тектеш материалдар: