Күйөөмдүн карыган апасын карап жатсам, ал башка кызга азгырылды...

28-сентябрь, 13:08

617 ᠌ ᠌ ᠌ ᠌᠌ ᠌ ᠌᠌

Менин да башыма ушундай кыйын учур туш келет деп үч уктасам да түшүмө кирбептир. Жолдошум менен турмуш курганыбызга бир жылдан ашты. Москвада иштеп жүрдүк, кош бойлуу болуп, төрөгөнү мартта Кыргызстанга келдим. Келе жатып күйөөмдүн телефонуна прослушка коюп келгем. Эки айдай жакшы жүрдү, анан эле квартирадагы кызга жаза баштады. “Мейли” деп унчукпадым, кийин дагы ар кимге жазып жүрдү, анда да тек койдум. Жакында бир кыз менен жазышканда, күйүп кеттим го!.. Жолдошума айтып, үйдү үч көтөрдүм. Күйгөнүм: мен анын ыйлаак баласын, оорукчан, карыган апасын карап атсам, бул кылыгы жанымды кейитти. Жиним менен өз үйүмө келе бердим. Жолдошум ушунчалык былык, ичи сасык адам экенин билбегениме өкүнөм... Жүрөгүм сыгылып эч көргүм келбей калды.

Жазгүл