“Бөрүлар” заманы келеби?
Бул тарыхый сүрөт. 2006-жылдын күзүндө оппозиция Курманбек Бакиевдин бийлигине каршы чыгып, “Реформа үчүн” кыймылын он миңдеген мекендештерибиз колдоп чыгышкан. Акүйдүн астына эл батпай кеткени эсибизде. Мына ошондо оппозициянын, карапайым калктын колдоосу менен Өмүрбек Суваналиев аянттан ички иштер министри болуп дайындалган. Бакиев артка чегинип, элдик генералды милициянын башына алып келген. Ооба, бул өткөн чактын маанилүү учурлары... Сүрөттө: Алмазбек Атамбаев, Каныбек Иманалиев, Өмүрбек Суваналиев, Өмүрбек Текебаев, Темир Сариев, Мыктыбек Абдылдаев, Азимбек Бекназаров ж.б. жоон топ лидерлер бар эле. Дал ушул саясатчылардын дагы да таасирлери арбын, адамдык ресурстары бай, демек, бийликке кайрадан каршылык көрсөтүүгө белсенишеби? “Бөрүлөр” заманы келеби? Деги кыргыз саясатын бир кылка элестетүү кыйын...
"Азия Ньюс" гезити
