Саясаттан дин жолуна кеткен Доскул Бекмурзаевди эстеген жан болсо...
“Мамлекетке ири өлчөмдө зыян келтирген” делип, коррупцияга байланыштуу кылмыш иши козголуп, кызматтан алынган мурдагы энергетика министри Доскул Бекмурзаевдин эмнегедир бүгүнкү күнгө чейин жоопкерчилиги каралбай атканы кандай? Ичкен-жегенин сиңирип, күнөөнү ушинтип жууюн дегенби? Айтор, кызматтан кетери менен беш маал намазга өтүп алганы белгилүү. Мейли, “күнөөмдү кечир” деп Жараткан алдында жалына берсин, ал эми “мыйзам алдында качан айыбын тартып жооп берет?” деген суроо ачык бойдон турат. Министр болгондор кылгылыкты кылышып, кыл жип менен бууп коюшуп, сүткө тойгон күчүктөй сыртка чыга беришеби? Мына андан бери Доскул Бекмурзаевге козголгон кылмыш иши жең ичинен бүткөнү, же бүтө электиги боюнча так маалымат жок. “Кимди ким көрдү, Быржыбайды там басты” дегенди уктуңуз беле?..
"Азия Ньюс" гезити
