Сооронбай Жээнбеков: “7 пайыз бул – биз басып өткөн, сыноодон өткөн жол”
Президент Сооронбай Жээнбеков Кыргызстанда партиялардын парламентке өтүүсүнүн босого чегин 9% кылууга саясый күчтөр даяр эмес деп эсептейт. Мындай пикирин ал 20-февралда Жогорку Кеңештин жалпы жыйынында сүйлөп жатып токтолду:
“Азыр 9 пайыз, 7 пайыз, 5 пайыз, жада калса 3 пайыз деген пикирлер айтылууда. 9 пайызды демилгелеп, аны колдогондордун оюн эске алсак, негизги аргумент – партияларды ирилештирүү максаты болгон. Ооба, бул зарылдык, муктаждык. Бирок буга саясый күчтөр даярбы? Коомчулуктагы талкуу көрсөткөндөй, саясый күчтөр, партия лидерлери буга даяр эмес. 7 пайыз бул – биз басып өткөн, сыноодон өткөн жол. 5 жана 3 пайызды айткандар «жаштарга мүмкүнчүлүк берели» деген, элдин кулагына жага турган аргументтерди айтууда. Бирок чынында жаштарды бетке кармап алып, бул жерде деле өз камылгасын көргөн жагдайлар болуп жатат».
Aryba.kg
