Келдибеков УКМКга суракка барып, Ташиевден баалуу белек алганда
Өткөн жумада Ахматбек Келдибеков талаш жараткан БШКнын сервери боюнча УКМКга күбө катары суракка барып, козголгон кылмыш ишинин алкагында талкууга катышкан. Үч сааттан ашык пикир алмашуу болгону белгилүү. Натыйжада, ал БШКнын серверине ишене турганын, кол санактан кийин шайлоонун жыйынтыгы туура чыгарына ынанган. “Талаштан тактык жаралат” дегендей, мындай көрүнүш айрым күмөн саноолорду жокко чыгарса керек. Эми бул ачыкталган жагы, а көшөгө артына келсек, УКМКнын төрагасы Камчыбек Ташиев досу Ахматбек Келдибековду кабинетинен кабыл алып, эки ача көз караштарды бир нукка салышып, жакындан сырдашып, чай ичишиптир. Кептин өзөгүндө мамлекеттин туруктуулугу, өнүгүүсү, элдин тынч жашоосу боюнча баарлашканы айтылды. Аягында Ташиев ак көңүлдөнүп, Келдибековго баалуу белек тартуулап, жылуу маанайда узатыптыр...
"Азия Ньюс" гезити
