Акыркы кабарлар
» Коом » 4-класстын окуучулары айдоочуларга кат жазышты
4-класстын окуучулары айдоочуларга кат жазышты
29-ноябрь, 00:29
Борбордогу мектептерде окуган 4-класстын окуучулары айдоочуларга кат жазышты. Маалыматка ылайык, биринчилерден болуп бул акцияга Бишкектеги №12 гимназия-мектебинин окуучулары катышты. Катта окуучулар айдоочуларга унаа айдап бара жатканда жолго көңүл буруусун, жөө адамдар өтүүчү жерден адамдарга жол бошотуп, жол эрежелерин сактоону суранышкан. Мындай акциялар чоңдор үчүн дагы, балдар үчүн дагы абдан маанилүү. Баланын жол эрежесин сактоону суранган катын алган айдоочу ага карата кайдыгер калбаса керек.
Ал эми балдар дагы өз кезегинде жолдо жүрүү эрежелерин сактоого үйрөнүп жатышат. Эң негизгиси, балдар айдоочуларга жазган каттарында акыркы кезде көп катталып жаткан жол кырсыктарына тынчсызданып жатышкандарын билдиргени маалымдалган.
“Азия Ньюс” гезити
