Чыныгы баатыр кызды тарбиялаган ата-энесине даңк!
(Гүлнура Таштанбековага!)
Акыркы жылдары кыргыздын кыздары күрөш спортунан ийгилик жарата башташты. Катарлары арбый беришсин! Кечээ жакында Гүлнура Таштанбекова 72 салмак ченинде Азия чемпиону болуп, алтын медал тагынды. Өтө кубандым. Келечеги кең кыз экен. Дагы талыкпай эмгектенип, күч аракетин жумшай берсе, дүйнөнү багындырат. Олимпиада чемпиону болот. Гүлнураны сыртынан колдоп, жогору баа берем. Былтыр эле Азиядан экинчи орун алды эле... Тулку бою жарашкан, келишимдүү, чыныгы баатыр кызды өстүргөн, тарбиялаган ата-энесине жана агайына даңк! Мындан ары мамлекет кам көрүшү керек. Моралдык-материалдык жактан колдосо, Гүлнура Таштанбекова дагы көптөгөн ийгиликке жетишет. Өсүп келе жаткан спорт ышкыбоздору, жеткинчектер да үлгү алышат. Бул чоң өрнөк. Кыргыздын намысы үчүн жаралган балбан кызыбызды колдойлу!
Мурат, мугалим
"Азия Ньюс" гезити
