Катар өлкөсүндө футбол боюнча дүйнө чемпионаты башталды

24-ноябрь, 12:25

337 ᠌ ᠌ ᠌ ᠌᠌ ᠌ ᠌᠌

Тарыхта биринчи жолу Арабия өлкөлөрүндө футбол боюнча дүйнө чемпионаты өтүп атат. Дегеним, өткөн жума этегинде Катар өлкөсүндө старт алды. Финалдык таймаштарында 32 команда аламанга аттанды. Алгач 8 тайпага бөлүнгөн командалар үчтөн оюн айлампа таризинде өткөзөт. Футболго ынтызарлар, күйөрман-ышкыбоздор үчүн чоң майрам башталды. Бу жолу дүйнө чемпиондугун ким жеңет: Франциябы, Англиябы, Япониябы же Греманиябы? Баары алдыда. 

Биз биринчи турдун алгачкы беттештери тууралуу, эсеп-чотун берип коюуну эп көрдүк.

Катар – Эквадор 0:2

Англия – Иран 6:2

Сенегал – Голландия 0:2

АКШ – Уэльс 1:1

Аргентина – Сауд Арабия 1:2

Дания – Тунис 0:0

Мексика – Польша 0:0

Франция – Австралия 4:1

Марокко – Хорватия 0:0

Сурат Жылкычиев 

"Азия Ньюс" гезити