ИИМдин эки орун басарынын асман-жердей айырмачылыгы

01-октябрь, 23:23

970 ᠌ ᠌ ᠌ ᠌᠌ ᠌ ᠌᠌

Кээ бир чоңдордун образы күлкү келтирет да. Жогору жактагыларга үзүлө түшө бөйпөңдөшөт, ал эми кол астындагыларга керсейишип, чочоңдошот эмеспи. Анын сыңарындай, ИИМдин орун басары Октябрь Урмамбетов шефине, же таасирдүү чиновниктердин астында “жорголосо”, ошол эле кезде өздүк курамдагы начальниктерге, кызматкерлерге текеберленип, кагып-силкип, Кудайдын мурдунан түшкөндөй мамиле кылары каңкууланды. Бул эми пендечилик, жеткен деңгээли, ички дүйнөсүнүн тайыздыгыбы? Мисалы, ИИМдин дагы бир орун басары Нурбек Абдиев жөнөкөй, башынан бир калыпта жүрөт эмеспи. Ал өздүк курамга адамгерчилиги, калыс мамиле жасаганы менен алкоого татыйт тура. Мына көрдүңөрбү, эки орун басардын асман-жердей айырмачылыгын... 

 "Азия Ньюс" гезити