Далдайган менен Жеңиш Разаковдун кадыр-баркы 50 миң сомго бааланды
Экс-вице-премьер-министр боюнча суроо коюлган маалымат “Азия Ньюс” гезитине чыккан. “Жеңиш Разаков Тажикстандын агентиби?” деген темада. Учурунда бул эргул реакция бербей, качан гана Кой-Таш окуясынан кийин Курсан Асановго куугунтук жасалып, кысымга алынганда, орто жерден бизди да ала жыгылуу арам ою башталганы кандай? Үстүбүздөн арызданып. Разаков менен бир жылдан ашык убакыт “жакалашып”, акыры 50 миң сом айып пул төлөөгө Жогорку сот мажбурлады. Ушул тапта анын адвокаттары сот аткаруучуга улам арыз жазып, акчаны өндүрүп алуу үчүн жанталашууда. Далдайган менен Жеңиштин кадыр-баркы 50 миң сом болсо, ыйлатпай төлөп берип коюуга аргасызбыз. Болбосо дагы арыз жазат экен. Эң башкысы, мындай пендеде жигиттик намыстын жоктугу, бет келишүүдөн качканы, майда нерседен пайда табууга белсенгени өкүндүрөт. Бул жагынан дагы келечекте далилдүү маалыматтар арбын...
"Азия Ньюс" гезити
