Кийинки сот процессине чейин Атамбаев ачкачылык кармаса, өлүп калбайбы?
Тергөө абагынан Алмазбек Атамбаевди бүгүнкү сот процессине мажбурлоо жолу менен алып келишкенин адвокаты Замир Жоошев менен Кундуз Жолдубаева айтып чыкты. Эгерде экс-президент адаттагысындай эле баш тартууга барса, ага карата күч колдонулмак экен. Камерадан сүйрөшүп жүрүүнү каалбаган Атамбаев макул болуптур.
Эске салсак, Биринчи Май райондук сотунда кримавторитет Азиз Батукаевдин өлкөдөн мыйзамсыз чыгарылышы боюнча сот процесси болууда. Кийинки отурум 6-декабрга жылганы адвокаттар тарабынан кабарланды. Эң орчундуу маселе, эмки процесске карата Атамбаев саясый акция кылууга бел байлаганы каңкууланууда. Башта айтылгандай эле ачкачылык кармайбы? Ансыз да Атамбаевдин ден соолугу солгундап, кан басымы түшүп атканы кабарланып келген. Эгерде ачкачылык кармаса көтөрө албай, тергөө абагынан өлүп калбайбы?..
Андыктан, саясый кризиске жеткизбөө үчүн “ийкемдүү жолун” табуу керек...
Aryba.kg