Курманкул Зулушев, Улугбек Султанов, Мирбек Расуловдор Элмурза акенин акыл-насаатын угушканда

“Кызмат колдун кири” деп бекер айтылбайт да. Кечээ чиренип турган Курманкул Зулушев башкы прокурорлуктан кеткенден кийин эл өкүлү Элмурза Сатыбалдиевдин дачасына орун басарлары Улугбек Султанов (мунусу кызматтан кетти), Мирбек Расуловду ээрчитип барганы каңкууланды. Салкын жайда бутту кере отурушуп, көп сөз айтылыптыр. Сырлардын баарын ачкыбыз келбейт. Эң башкысы, Курманкул Зулушевдин бийликке таарынычы ичинде калганы, салкын төрдөгү чер жазууда бугун чыгарып, бир жылдан бери жасалган кысымдын аягы отставка менен коштолгонун шардана кылат. Дасторкону кенен Элмурза Сатыбалдиев үкасын, коллегаларын аябай сыйлап, акыл-насаатын айтып, келечекке карай чоң кыялдар ишке ашарын жашырбаптыр. Жашоо нугу улана берет да. Башынан көп сыноолор, опурталдуу оош-кыйыштар өткөн Элмурза акени Курманкул эми куучуңдабай угуп жүрсө, талаада калбаса керек.
"Азия Ньюс" гезити