Генерал Нурбек Абдиевдин келечектеги мураскери Улан Айтбаевби?
“Кулаалы таптап куш кылдым...” демекчи, министрдин оң колу Нурбек Абдиев ГУУРдун орун басары Улан Айтбаевди “канаттууга кактырбай, тумшуктууга чокутпай”, карьерасын өстүрүп, жөлөк-таяк болуп келатат. Береги сүрөттөн да экөө катарлаш отурганын көрөбүз. Негизи ИИМдин башка орун басарларына караганда генерал Нурбек Абдиев кыйын иштейт эмеспи. Анын 7 облуста тең ишенимдүү оперлери, бел боло турган өсүп келаткан жетекчи кадрлары жетиштүү. Чоң команда түзө алганы жашыруун эмес. Мына ошол тыңчыкмалардын ичинен Улан Айтбаев көзгө көрүнгөнү, келечектеги мураскери катары да сыпатталып жүрөт. Бүркүт карга менен дос болбогондой эле Нурбек Такабаевич да айланасына тың полковниктерди чогултуп, мамлекет үчүн билек түрө иштеп аткан чагы. Ийгилик коштой берсин!
"Азия Ньюс" гезити
