“А-бу” деген менен Алымкадыр Бейшеналиев иштеди. Коррупция менен күрөштү

09-июнь, 14:14

537 ᠌ ᠌ ᠌ ᠌᠌ ᠌ ᠌᠌

Алымкадыр Бейшеналиевди адатка туура келбеген жүрүш-турушу, айрым иштери, чөйчөктөш болгондон башкага жарабаган журналист орун басары Жапаркул Ташиев менен эгиз козудай ээрчишип жүргөнү үчүн сындаганбыз. Анысы кийин “чыккынчы” болуп чыга келбедиби. Бирок “а-бу” деген менен Алымкадыр Бейшеналиев иштеди. Коррупция менен күрөштү. Медицина тармагында акча көп, бул өзүнчө эле бизнес. Дары-дармегинен тартып, врачтын кабыл алганынан бери акча. Бекер эч ким көрбөйт, кыймылдабайт. Ошол бизнеске айланган саламаттык сактоо тармагындагы коррупция менен күрөштү, буга баарыбыз күбө болдук. Иш болгон жерде кемчилик болбой койбойт. Тагылып жаткан айыптардын канчасы чын, канчасы жалган экенин тергөө аныктайт, сабыр кылып күтө туралы... 

"Азия Ньюс" гезити