Эки президенттин түбүнө жеткен Сегизбаевди элдин убалы уктатпайт
Мурдагы бийликтин тушунда репрессия жасап, күнөөсүз адамдарды шагырата түрмөгө тыккан, каралаткан УКМКнын экс-төрагасы Абдил Сегизбаев жыргап эле эс алып жүрөт. Кылган кылыктары үчүн кылмыш иши козголуп, камалышы керек болчу! Тилекке каршы, бул эргулдан сурак да алышкан жок. Көрсө, Абдил Сегизбаев саясый куугунтуктоонун “жолун чаап” берген тура. Ал түзгөн система, идеология бүгүн да иштеп атат, ошон үчүн ардактуу генерал болуп жүрөбү? Бул бийликти коркутуп, компроматын катып отурганы ыраспы? Бирок, тиги дүйнөнүн сурагынан качып кете албайт го... Эске салсак, бул “ийри жылан” Аскар Акаевдин пресс-секретары болуп туруп аңга түртсө, УКМКнын төрагасы кезинде Алмазбек Атамбаевдин түбүнө жетти! Ошентип, эки президенттин тагдырын талкалап, аягы мамлекетке, элге да залалын келтирип, “апакай” жүргөнү кандай? Көзүнөн чыкпагай эле...
"Азия Ньюс" гезити