Жамалдиновду губернатор кылганына Марипов менен Төрөбаев уялып кылдыбы?
Ош облусунун губернатору Зиядин Жамалдинов иштей албай жатат. Бул боюнча коомчулуктун көзү жетип калды. Башкаруу идеясы, демилгеси, алгылыктуу программасы жок экен. Эл менен жолугушканы да башкача, ынанымдуу сүйлөй албай, кыйчалыш кырдаалга себепчи болгонун көрүп атабыз. Кадыр-барксыз эле канат күүлөсө уча алмак беле? Шефинин абийирин орун басары Данияр Жаныкулов жаап жатканы, тартип, мыйзамдуулукту көзөмөлдөгөнү, көпчүлүктү башкаруу чеберчилигин көрсөткөнү, орду менен сүйлөгөнү, айтор, ишти жайгарып кеткени байкалууда. Баса, убагында Зиядин Жамалдиновду премьер-министр Улукбек Марипов, депутат Бакыт Төрөбаев сүрөп, жогору жакты ынандыруу таризинде Ош облусунун губернаторлугуна көтөрүүгө салым кошушат. Тилекке каршы, ишеним акталбай, “ирип” баратканы эмнеден кабар берүүдө?
"Азия Ньюс" гезити
