Мадумаров үчүн келечекте саныңарды чабасыңар
Кесир сүйлөгөн Адахан Мадумаров тергөө ишинин жыйынтыкталганына духу көтөрүлүп, камалбай калганына эрдемсий сүйлөп, бийликти басмырлагандай маанай жаратты. Бул убактылуу көрүнүш болсо керек. Башкы прокурор Курманкул Зулушев жоопкерчилик алуудан качып, коркуп койгону айтылууда. А болбосо Мадумаровдун чыккынчылыгы кол койгон протоколунда ачык эле кашкайып турат да, туурабы? Бирок, эртеби-кечпи жер маселеси боюнча чатагына чекит коюлса керек. Жоопкерчилигин алары шексиз. Натыйжада, Адахан аксынып, оппозициянын лидери катары өзүн көкөлөтүүгө, парламенттеги “ээси жок” депутаттарды өзүнө тартууга, катарын көбөйтүүгө ашыгып калгандай. “Жоо аяган жаралуу” дегендей, Садыр Жапаровдун айлана-чөйрөсүндөгүлөр жымсалдап сүйлөшүп, анык душманды күчтөндүрүүгө жол чаап жатышкандай. Азыр байкалбаганы менен келечекте саныңарды чабасыңар...
"Азия Ньюс" гезити
