Нарматова напсисин тыя албай, “Ата Журт Кыргызстан” фракциясын сөзгө калтырды
“Ата Журт Кыргызстан” партиясынын сүрмө тобу менен шайлоодон өтүп, депутат болгон Надира Нарматованы билесиңер да. Эрксизден баш чайкатты. Өткөн жумада депутаттарга квартира, автоунаа, эки жардамчы берилиши керектигин айтып, шарт түзүлбөсө иштөө кыйын экенин кошумчалады. Коллегаларынын таламын талашкандай түр жаратып, өз жанын ойлоп атканын карасаң?! Кантип эле депутат айлыкка карап калсын, о.э. үй-жайсыз, машинасы жок болсун? БОМЖ парламентке өтө албайт да. Бул аял кичине окшоштурса не? Нарматова жеке жыргалчылыгы үчүн эки жардамчыны эшектей иштетсе, чалкалап өкмөттүн квартирасында жатса, машинеси менен чартаңбай тепсе, ушул керекпи? Сандырактап кетүүнү токтоткула! Учурда мамлекетибиз экономикалык каатчылыкка кабылып, элибиздин көпчүлүк катмары жакырчылыктан кыйналып жатышса, депутаттар комфорт жашоодо, жыргализмде жүрүшсө... Мындай кутургандыкка эч ким чыдабайт го? Кыскасы, акыл калчап иш кылышса. Ансыз да “Ата Журт Кыргызстан” фракциясы Нарматованын айынан көпчүлүккө жек көрүнүп, сын-пикирге кабылды. Напси тыйылбаса кантебиз? Дагы далай “концерттерин” көрөт окшойбуз...
"Азия Ньюс" гезити
