Июнь окуясына күнөөлүүлөрдү жазалоо кечеңдеп калды. Эмнеге?
2010-жылдагы Июнь окуясынын алкагында кылмыш иштери козголуп, УКМКда тергелип атканы кабарланган. Убактылуу өкмөттүн мүчөлөрү бул жагынан камакка алынышары болжонгон эле. Бирок, эски жара сыйрылып, элдин бөлүнүүсү айтылып калган... Бир эсе бийлик-оппозиция ортосунда каршылашуу ырбап кетсе, саясый кырдаалдын туруктуулугуна таасир этери да сыпатталса, демек, азырынча күнөөлүүлөрдү ачык айтууга эртелик кылып атабы? Же саясый сыр барбы? Эмнегедир шайлоодон кийин эки-үч күн митингге чыгышкан “Ата Мекен”, “Азаттык” ж.б. партиялар тынчып калышканы, бейөкмөтчүлөр да жалтакташып, чээнге кирип кетишкендей элес жаратышты. Кандай болгон күндө да мамлекетибиз чыр-чатактан оолак туруп, өнүгүүгө бет алганыбыз дурус эмеспи. Кектешүү, эрегишүүдөн эки тарап тең пайда таппайт. Андыктан, акыл пештеп иш кылсак э?..
"Азия Ньюс" гезити
