Камчыбек Ташиев: “Тажикстанга катуу жооп беришибиз зарыл”
“Айта берип тил тешилди” демекчи, бийлик ээлерине көптөн-көп кайрылып, суранып келдик. Чек ара маселесин чечүүдө чечкиндүүлүккө, айкындуулукка жана жергиликтүү элдин талабын эске алып сүйлөшүүлөрдү жүргүзүү керек экендигин. Мына эми Тажикстандын атайын бийлик өкүлү биздин мамлекеттүүлүгүбүзгө шек келтирген сөздөрдү официалдуу жыйында билдирүү жасап олтурат. Бул жорукту шылдың катары кабыл алышыбыз керек жана тийешелүү катуу жоопту беришибиз зарыл.
Жерге-Тал, Мургаб -- Кыргызстандын айылдарын, жер аянттарын кайтарып алуу боюнча иш аракеттерди баштайлы, Тажикстандын элчисин кайтарып жөнөтүш керек, баардык байланыштарды (саясый, экономикалык, достук) токтотуу зарыл.
Урматтуу президент, менин сунуштарымды эске алып, чечкиндүү кадамдарды таштаңыз, кашык каныбыз калганча мамлекетибиз үчүн туруп беребиз! Элибиз мындан да опурталдуу кыйынчылыктарга чыдаган, бирок мамлекетибиздин бүтүндүгүнө сырттан шек келтирүүгө жол бербей келген, Кыргызстаныбызды шылдыңдаганы үчүн жооп берсин!
Камчыбек Ташиевдин Фейсбуктагы баракчасынан алынды
