Президенттин аппарат башчылыгына Аликбек Жекшенкулов келеби?
ЖМКларда президенттин аппарат башчысы Досалы Эсеналиевдин отставкага кете турганы жазылууда. “Шамал болбосо чөптүн башы кыймылдабайт” дейт. Бирок, бул орунга болбогон кадрлардын “кудаланып” атканын угуп атабыз. Мисалы, Кубатбек Боронов кантип жарасын? Жарабайт да...
Бизге жеткен соңку маалыматтар боюнча, Кыргызстандын РФдагы толук жана ыйгарымдуу элчиси Аликбек Жекшенкулов президенттин аппарат башчысы болуп калышы мүмкүн. Тар чөйрөдө лөктөр арасында кеп болуп, бул сунушту көтөрүү маселеси турганын эшиттик. Албетте, бийликке таасир этчү топтор арасында бир жагына жакса, экинчи жагы кызганышы ыктымал. Бирок, мамлекеттин кубаттуулугу, президенттин иши алдыга жылышы үчүн күчтүү аппарат башчы керек да. Аликбек Жекшенкулов дасыккан дипломат, барандуу саясатчы, мыкты уюштургуч катары белгилүү. Ал баардык күчтөрдү жайгарууну билет, элдин маанайына жараша саясат жүргүзүүнү жакшы өздөштүргөн. Аз убакыттын ичинде эле РФдагы элчи катары биз болжогондон да жогорку деңгээлде иш алып барууда. Эми мындай тажрыйбалуу кадрды алыска кармабай, президентке арка-жөлөк кылышса не? “Жандооч кийик аттырат” деген кеменгер кеп бекер айтылбагандыр...
Aryba.kg
