Кечээги “Мекеним Кыргызстандын” талапкери Алишер Козуев 180 градуска бурулганда

04-октябрь, 14:17

5 518 ᠌ ᠌ ᠌ ᠌᠌ ᠌ ᠌᠌

Былтыр “Мекеним Кыргызстан” партиясы менен парламенттик шайлоого аттанган Алишер Козуев быйыл да баш көтөрдү. Бирок 180 градуска бурулуу менен. Учурда “Ата Журт Кыргызстандын” катарына кошулуп, “Кара-Суудан көп добуш алам” деп күпүлдөп жүрүптүр. Жыл сайын партия которгон миллионерде туруктуу позиция жокпу? Кайсы тараптын таасири арбыса, ошол жакка оой берген бышык экен! Эртең “Ата Журт Кыргызстанды” таштап, башка күчтөргө секириши мүмкүн. Себеби, практика жүзүндө өзүнүн ким экенин көрсөтүп атпайбы. Убагында Райым Матраимовдун арты менен көтөрүлүп, бутуна турду эле. Эми кыйынсынып калган кербезиби? Саясатта ак-кара аралаш жүрөрүн билбейт окшойт. Эртең оңкосунан түшпөйбү?.. 

"Азия Ньюс" гезити