Ажого Медетбек Букуевдей адамдар жетишсиз болууда
Ушундай. Президенттин кеңешчиси Медетбек Букуев аксакал катары туура багытта баратканын жакындан билгендер айтышууда. Садыр Жапаровго оң жолду көрсөтүп, чын жүрөктөн күйүп келатканына чейрек кылымдан ашса керек. Азыр да акыл-насааты менен бөлүшүп, мамлекет үчүн иштей турган чыныгы кесипкөй кадрларды сунуштаганы колдоого арзып, алардын жарыгы элибизге тийери да калетсиз экен. Мисалы, Медетбек ага Ысык-Көл облусунун губернатору Бакыт Жетигеновду, саламаттык сактоо министри Эркин Чечебаевди жана башка төбөсү көрүнө баштаган белдүү улан-кыздарды колдогону бекер жерден эместир. Президенттин жанында ушундай ак, адил, алысты көрө билген адамдар болсо, караламан калктын маанайына жараша саясат орун алары шексиз. Тилекке каршы, Медебек Букуевдей инсандар учурда аз экенин да баса белгилей өтөлү.
"Азия Ньюс" гезити
