Байлыгынын бир бөлүгүн алдырса да Мырзакматов жасакерленгенин койбоду

Колоктоп бош жүргөн Мелис Мырзакматов анда-санда маек берип, “мен бармын, унутпагыла” дегендей ишарат жасап, өзүн эскертип, пиар кылмай адаты көндүмгө айлангандай. Же ага бирөө көңүл бурсачы? Жасалма сүйлөп, эки доско жасакерленгендей ар нерсени божурайт. Маанисиз. Айтмакчы, буга чейин Мелис Мырзакматов базарын, жерин алдырып, мыйзамсыз жеткен байлыктарынын бир бөлүгүнөн ажыраганы маалымдалган. Башка адам болсо уялып, эл астында маек берүүдөн тартынмак да. Бул болсо беттырмарлыкка салып, өзүн чоң саясатчыдай көрсөтүп, бийик сүйлөмүш эткенин карабайсыңарбы? Ушундай калпыстыктарынын айынан бийликке жек көрүнүп, он жылдан ашык убакыттан бери кызматка жетпей, же депутаттыкка өтө албай, четке сүрүлгөн абалында келатат. Кимдин-ким экенин убакыт ушинтип эле таразалап коёт тура.
"Азия Ньюс" гезити