Камчы Көлбаевдин адамдарына ар кандай мамилелер жасалуудабы?
Нарындан, Оштон чуулганга кабылып, УКТга келгенде жалтак, бирок мас абалында кызыл-жаян канга чылана мушташкан окуясы менен белгилүү Алмаз Усеналиев Бишкек ШИИБнин кылмыш иликтөө бөлүмүнө дайындалып, талкуу жараткан. Ал жердеги Ринат Токтобеков Биринчи Май РИИБге орун басар болуп кеткени кабарланган эле. Дал ушул кызматкердин бир тууган агасы Нурдин Токтобековдун (каймана аты “Шоки” дешет) уюшкан кылмыштуу топторго канчалык тийешеси бар? Бул боюнча орган кызматкерлери тирукмуш маалыматтарды беришип, УКМКга чейин кайрылууга аракет жасашканы кандай? Учурда “Шоки” чет өлкөдө “Моби” менен жүрөбү? Камчы Көлбаевдин өлүмүнөн кийин көп өзгөрүүлөр орун алып, анын жакын адамдарына карата ар кандай мамилелер жасалып келгени эмнеден кабар берет? Албетте, биз суроо салдык. Ал эми тийешелүү органдар өз ара териштирип алышса керек.
"Азия Ньюс" гезити
