Самара Каримова: “Буюрса кайра Оштогу музыкалык окуу жайга директор болуп барам”
Самара Каримова жакында жакшы кызматка отуруп, эми эмгек жолун мамлекеттик кызматкер катары улай турганы тууралуу маалыматтар тарап кеткен. Бир топко чейин жооп кайтарбай келген Самара Каримова кызматка келе турганын өзү ачыктады.
“Ооба, басылмадагы маалымат чын. Мени мыйзамсыз иштен алышкан. Андыктан министрликти сотко берип, утуп алдым. Соттун расмий чечими чыкты. Буюрса кайра Оштогу Ныязаалы Борошев атындагы музыкалык окуу жайга директор болуп барам. Министр мени кызматка коюуга милдеттүү. Мени жөн жерден кызматтан алып койгон болчу. Ал эми жазылып жаткан нааразы пикирлердин баарын бирөө буюртма берип жатат. Ар ким колунан келген ишти жасай берсин. Мен эч кимге жамандык каалап, бут тоспойм” дейт ырчы.
Эске сала кетсек, 2018-жылы Самара Каримова Оштогу Ниязаалы Борошев атындагы окуу жайга директор болуп дайындалып, бирок, коомчулуктун нааразычылыгынан улам министр тарабынан иштен алынган.
