Акыркы кабарлар
» Шоу-Бизнес » Пандемия сулууларга да сүрүн көргөздү
Пандемия сулууларга да сүрүн көргөздү
16-ноябрь, 16:46
707 ᠌ ᠌ ᠌ ᠌᠌ ᠌ ᠌᠌“Мисс Кыргызстан” улуттук сулуулар сынагынын жетекчилиги жыл сайын өтүүчү “Мисс Кыргызстан – 2020” улуттук сулуулар сынагын 2021-жылдын жазына жылдырды.
Бул жылы сынактын регионалдык гана тандоо турларын онлайн режиминде өткөрүү пландалууда. 2020-жылдын 10-декабрынан тартып 18-23 жаштагы кыздар “Мисс Кыргызстан” сынагынын @misskyrgyzstan_official расмий баракчасына онлайн катталып, конкурска катышуу үчүн арыз бере алышат.
“Мисс Кыргызстан – 2019” наамынын ээси Екатерина Заболотнова таажыны сынактын жеңүүчүсүнө өткөрүп берет. Аныкталган сулуу 2021-жылы октябрь айында “Дүйнө сулуусу” сынагында өлкөбүздүн атынан катышат.
Белгилей кетсек, “Дүйнө сулуусу – 2020” сынагынын финалы пандемияга байланыштуу 2021-жылдын күзүнө жылдырылган.