Айназик Сатимбаева, модель: “Саясатчылардан эч кимди баалабайм, кызыкпайм деле...”
-- Айназик, күйөрмандарга, окурмандарга кандай жаңылыктарың бар?
-- Мен мурдагыдай кино, клиптерге тартылбай калганыма 6-7 жыл болду. Азыр бизнес баштап, айымдар кийими менен өзүбүздүн эле дүкөндө модель болуп иштеп жатам. Ал эми ар кандай иш-чараларга азыр барбайм деле.
-- Тасмага чакыруулар болуп жатабы? Кандай образ жараткың келет?
-- Чынын айтсам, мурдагыдай каалоом, шоу бизнеске аралашайын деген пландарым жок. Мындан аркы жашоомду бизнес менен байланыштырып элестетем.
-- Сага суктанып, колуңду суроого кызыкдар мырзалар көп. Жеке жашооңдо кандай жаңылыктар бар?
-- Негизи турмушка чыгып, эки ай жашагам. Балалуу болгон эмеспиз. Учурда бойдокмун. Азырынча турмушка чыгайын деген план деле жок. Буюрганын көрөбүз да.
-- Саясатка кызыгасыңбы? Баалаган саясатчыларың кимдер?
-- Саясатка кызыкпайм, эч кимди деле баалабайм.
-- Айрым ушактар ачуулантабы?
-- Ушак сүйлөгөндөр болгон, боло берет. Азыр ага да анчалык көңүл бурбайм, бирок угуп калсам, албетте, ачуум келет.
