“Эри жакшы менен эрегишпе”. Самарадан артта калган Анжелика ызага баттыбы?
Ырчы Самара Каримова Дубай, Египет, Москвадан бери кыдырып, ортодон сыйлык баракча, белекке жаңы автоунаа алганы, андан соң кайра ысык жайларга сапар тартканы белгилүү. Төө менен квадроцикл мингени, чөлдөрдү, океан, деңиз, аралдарды аралай чапканы, анан дагы асманга учуп, видео, сүрөттөрүн Инстаграм баракчасына чыгарганы, күйөрмандарын суктандырып, ортодон “гивин” ойнотуп, айтор, дүйнө кыдырганы жагынан да шоу жасап, “саякатчы бакадан” да ашып кетти.
Бул жагынан артта калган Анжелика ызаланып атканы айтылууда. Инстаграм баракчасындагы катталуучулары да Самараныкына жетпей калыптыр...
Ушундан улам: “Эри жакшы менен эрегишпе” деген жаңы макалды жараттык. Ишкерликтен тапканын Асан Мансуров чып-чыргасын башкаларга коротпой, аялы Самара Каримованын чыгармачылыгына жумшап, жалтырата кийинтип, бар алынча көкөлөтүү менен бүгүнкү ийгиликтерине жеткизип отурат. Кыргыз элинде Самарадай кыздар толтура, бирок, андайларды убагында тарбиялап, жолун ачып, колдоо көрсөткөн эркектер жокко эсе да. Туурабы?
Элтуя Кыялбекова
Aryba.kg
