Актриса Асема Токтобекова дайым жылмайып жүрүүнү кантип адатка айлантып алганын эскерип, социалдык баракчасына бул тууралуу пост бөлүштү.
“Кичинекей кезимде «Чолпон» ансамблинде бийлеп жүргөн кезде, Зинаида Ашимовна эжекем «Асема жыгылса кошо жыгылгыла» дечү эле, себеби солировать этип ортодо турчумун. Эстегенимдин себеби, дайыма жылмайып жүргөндү ошол Зинаида эжекем үйрөткөн эле. Сахнада кандай кырдаал болбосун, жыгыласыңбы, бирөөнүн буту тийип кетеби, көйнөгүң айрылабы, же кокус бирөөнүн колу бетиңе тийип кетеби, айтор, тиштер көрүнүп, жылмайып гана бийлеш керек болчу. Ошол нерсе менден такыр кетпей койду, жадагалса жакындарым менин жылмаюумду адат кылып, мени туурап тамашалашат. Апам дагы үңүрөйгөн кабак-кашты жаман көрөт. Менин жылмаюуумду самагандар да аз эмес. Жашообуздун агымы, жылмаюулар менен коштолсун” деген пикирин жазды актриса айым.