Акыркы кабарлар
» Кылмыш » 42 жаштагы аял эки баласын сууга ыргытууга аракет кылган
42 жаштагы аял эки баласын сууга ыргытууга аракет кылган
01-апрель, 10:19
996 ᠌ ᠌ ᠌ ᠌᠌ ᠌ ᠌᠌Өзбекстандын Наманган облусунда 42 жаштагы аял эки баласын көпүрөдөн ыргытып жиберүүгө аракет кылган. Бул тууралуу Podrobno.uz сайты жазып чыкты.
Окуя, 28-мартта Наманган облусунун Мингбулак жана Туракурган райондорун бириктирген Сырдарыя дарыясындагы көпүрөдө болгон.
Күч органдарынын маалыматы боюнча, Туракурган районунун 42 жаштагы тургуну эки баланы (6 жана 3 жашта) сууга ыргытууга аракет кылган. Көпүрөнү кайтарып турган Улуттук гвардиянын кызматкерлери аялды токтотуп калышкан.
Учурда ички иштер органдарынын кызматкерлери аялдын өз балдарын өлтүрүүгө аракет кылганына эмне түрткү болгону тууралуу маалыматтарды тактап жатышат.