Прогноз погоды в городе Бишкек
Акыркы кабарлар
» » «Мага уул төрөп бербейсиң»... Ала-Букадагы 4 кыздуу келиндин өлүмү

«Мага уул төрөп бербейсиң»... Ала-Букадагы 4 кыздуу келиндин өлүмү

11-январь, 16:52
1 494 ᠌ ᠌ ᠌ ᠌᠌ ᠌ ᠌᠌

Жалал-Абад облустук соту былтыр күздө үйүндө асынып каза болгон 33 жаштагы келиндин денесине эксгумация жүргүзүүгө уруксат берүү боюнча чечим чыгарды. Облустук сот мындай чечимди 2020-жылдын 11-декабрында кабыл алды.

Келинди өлүмгө жеткирүүгө анын жолдошунан шек санашкан. Тергөөнүн маалыматы боюнча 2020-жылдын 22-сентябрында жубайлардын ортосунда чатак чыккан. Алар Ала-Бука районуна караштуу Баймак айылында жашаган.

Маркум келиндин 1983-жылы туулган күйөөсү Учкунбек (аты өзгөртүлдү) аялын сабап, «дайыма мен айткан сөздөргө кулак салбай, мага сөз кайтарасың» деп катаал мамиле кылып, «мага уул төрөп бербейсиң» деп кадыр-баркын кемсинтип жүргөн. Анын натыйжасында аялы 2020-жылдын 23-сентябрында үйүнүн короосундагы жүзүм кармоочу устунга жип менен асынып каза болгон.

Дайындалган соттук-медициналык экспертизанын 15-октябрдагы корутундусуна ылайык, маркум келин денесинен жеңил жаракат алгандыгы жана асынып алуудан улам каза болгондугу такталган. Бул факты боюнча сотко чейинки иликтөө башталып, 2020-жылдын 7-ноябрында маркумдун жакыны П.А. комиссиялык экспертиза дайындоо жөнүндө өтүнүч келтирип, келиндин жансыз денесине эксгумация жүргүзүүгө макулдугун берген. Бирок Аксы райондук соту 2020-жылдын 20-ноябрындагы токтому менен бул суранычты канааттандырган эмес. Алар облустук сотко кайрылып, Жалал-Абад облустук соту эксгумация жүргүзүүгө уруксат берүү боюнча чечим чыгарды.

Бөлүшүү:



Тектеш материалдар:

Эң көп окулгандар
“Казакстанда коронавирус катталды” деген билдирүү тарап жатат
(Видео) Индиядан келген дааватчылар милицияга баш ийбей коюшкан
“30-апрелде карантин токтосо, 100 миңдеген адамдардын өмүрүнө коркунуч келтиребиз”
(Видео) Садыр Жапаров кудаларына тебетей тараткан тасма тарады
Калдарбек Абдраманов: “Эч кандай экинчи-үчүнчү толкун жок, болбойт дагы!”
(Видео) Молдокенин моокум кандыра албаган тасмасы...
(Видео) Президенттикке талапкер Клара Сооронкулованын ичип, чеккени бузулганыбы?
Aryba.kg - Маалымат порталы
Сайтка баа бер