Акыркы кабарлар
» Кылмыш » Көк-Жар конушунда эркек киши аялды муунтуп өлтүрдү
Көк-Жар конушунда эркек киши аялды муунтуп өлтүрдү
06-сентябрь, 12:29
Киши өлтүрүүгө шектүү жаран кармалды. Бул тууралуу Октябрь райондук ички иштер башкармалыгынын басма сөз кызматынан кабарлашкан.
3-сентябрда эртең менен милицияга Көк-Жар конушундагы үйлөрдүн биринен зомбулук менен өлтүрүлгөн аялдын сөөгү табылганы тууралуу маалымат түшкөн. Окуя болгон жерге ыкчам-иликтөө тобу барган. Милициялар каза тапкан аялдын өздүгүн аныкташты, ал 1972-жылы туулган М.З. болуп чыкты.
Аталган окуя кылмыштардын жана жоруктардын бирдиктүү реестрине Кылмыш кодексинин 130-беренеси (“Киши өлтүрүү”) менен катталды.
Октябрь РИИБнин 4-шаардык милиция бөлүмүнүн участкалык милициялары тарабынан шектүү, 1991-жылы туулган И.Э. кармалып, убактылуу кармоочу жайга киргизилди. Сурак маалында ал кылмыш болгон учурда мас абалында болгонун, аял менен уруша кетип, аны муунтуп салганын айтты.
