Акыркы кабарлар
» Коом » Министр Кашкар Жунушалиевди кылмыш дүйнөсү бучкагына теңебей калды
Министр Кашкар Жунушалиевди кылмыш дүйнөсү бучкагына теңебей калды
09-декабрь, 23:32
Бишкек шаарынын Асаналиев менен Гагарин көчөлөрүнүн кесилишинде атышуу болуп, төрт машина талкаланган. Алдын ала маалыматтарга караганда, уюшкан кылмыштуу топтордун мүчөлөрү чырлаша кеткени айтылууда.
Кандай гана өкүнүчтүү? Буга чейин бизнесмендер өлтүрүлүп келсе, чак түштө банк тонолсо, инвесторлорго шарт түзмөк тургай үркүтсөк, анан кайдан Кыргызстанда өнүгүп-өсүү болмок эле? Эң оболу, күч органдары коомдук коопсуздук абалды тыкыр карап, элдин, мамлекеттин сакчысы болушу зарыл эле. Тилекке каршы, Кашкар Жунушалиев ИИМди жетектегени тынчтык сакталбай, уюшкан кылмыштуу топтор каалаганын кыла башташкан. Эми болсо шаардыктардын жүрөгүн түшүрүп, ачык эле атыша башташты. Кашкар Жунушалиев министр катары иштей албай атса, тезинен отставкага кетпейби? Дал ушунун “кашаңдыгынан” бийликтин рейтинги түшүп, мамлекетибиз Сицилияга айланып баратабы? Эл аралык коомчулукка таза шылдың болуп бүтмөй болдук. Кылмыштуу топтордун үстөмдүгүнөн качан арылабыз?..Aryba.kg
