“Kg групптун” үйлөрүнө нааразы болгондорду Ташов качанкыга чейин алдайт?
Президенттик шайлоодо Имамидин Ташов талапкерлигин коюп, чоң саясатка аралашууга далбастады. Реалдуу караганда, акыл чөйчөгү тайыз, алаңгазар эле бирөө беле? Кызык, артыңдагы ишмердигиң “ирип” атса, кайдагы ийгиликти айтабыз? Буга чейин Ташов жетектеген “Kg групп” курулуш компаниясына нааразы тараптар кат-кат тизилип турушат. Үйлөрдү сапатсыз, чала бүтүрүп, документтерин убагында мыйзамдаштырбай, айтор, жүздөгөн жарандардын үй-бүлөсүнө ыңгайсыздык жаратып келет. Граждандык иштер боюнча Имамидинди сотко беришип, чындыкка жете албагандар андан көп. Натыйжада, саясатка селпилдип, популисттенүүнү эмне кылат? Андан көрө чала бүтүргөн үйлөрүнө кайрылып, алдап кеткен жоруктары үчүн кечирим сурап, кем-карчты жаап, ырааттуу жолго салбайбы? Качанкыга чейин солдоюп, кыз сымалындай чоюлуп, жасалма сүйлөп жүрө берет? Түшүнбөйсүң...
"Азия Ньюс" гезити
