Дөөлөткө ак жол!

05-ноябрь, 13:38

656 ᠌ ᠌ ᠌ ᠌᠌ ᠌ ᠌᠌

Жараткан жар болуп, Манас атабыздын касиети колдосун! Белгилүү манасчы Дөөлөт Сыдыков инибиз дүйнөлүк Гиннес рекорддор китебине кирүү үчүн тынымы жок, узак мөөнөттө манас айтуу аракетин кылат. Бул иш-чара 12-ноябрь күнү боло турганы белгилүү болду. Азыр кызуу даярдыктар жүрүп жатат. Атайын түзүлгөн чыгармачыл топ күнү-түнү билек түрө иштеп баштады. Ай ааламды сапырган манасчылык өнөр бир гана кыргыз элине таандык экенин унутпайлы. Даңазалай турган мезгил келди. Ары кырдуу, ары сырдуу манасчылык дүйнөсү, анын касиети, түркүн түс боёктору, күтүүсүз окуялар биринин артынан бири шурудай тизмектелип көз алдыңа тартылат... Манас атабыздын касиети колдоп, айтканың арбысын, Дөөлөт иним!

Сурат Жылкычиев 

"Азия Ньюс" гезити