Бир кап ун эки миңден сатылган райондор бар

03-июнь, 14:19

547 ᠌ ᠌ ᠌ ᠌᠌ ᠌ ᠌᠌

Жалал-Абад облусунда биринчи сорттогу ундун баасы 1650 сом болууда. Бул тууралуу 2-июнда Жалал-Абад облусундагы өкмөттүн атайын өкүлү Нурболот Мирзахмедов өкмөттө өткөн брифинг маалында билдирди. 

Анын айтымында, облустун кээ бир райондорунда бир кап ун 1800-2000 сом болууда, бирок ундун баасы белгиленген чек боюнча 1650 сом болушу керек. Текшерүү маалында санитардык эпидемиологиялык чараларды сактабаган 327 ишканага эскертүү берилди, 263 ишканага акт толтурулуп, 57 ишканага айып салынды.

Азыркы учурда баардык ун чыгаруучу ишканалар иштей баштады жана эч кандай ундун тартыш болуу тобокелдиги жок.