Депутат Улан Бакасов өкүл баласы Дастанды камактан 100 миң долларга чыгарып алабы?
Биринчи Май РИИБнин кылмыш иликтөө начальниги Дастан массаждык салондорду калкалап, 500-1000 доллардан пара алып турганын УКМК ашкерелеп, камакка алганы маалым. Үйүн тинткенде элиталык квартиралардын документтери, 40 миң долларлык саат жана ири суммадагы акчалар табылган. Райондук деңгээлдеги кичинекей жетекчинин байлыгы ушундай болсо, начальниктери “майкөл-сүткөлгө” бөлөнүп калгандай го?..
Кызыгы, бул кадр пара алгандан сырткары бир адамдын үйүнө тинтүүгө кирип, уурдалган тапанчаны ыргытып коюп, жалган таризде кылмыш ишин токуу, моюнга алдыруу менен шугулданганын депутат Дастан Бекешов айтып чыкканын кайда жашырабыз? “Мени милиция коргойт” деген ураан тескери айланып, кордоп, кыйнап жатса, кайда барабыз? Убагында тазаланууга мезгил келди да!
Натыйжада, кабыргасынан суроо берели: Дастанды камактан өкүл атасы, депутат Улан Бакасов чыгарып алууга кириштиби? 100 миң доллар пара берүү менен эркиндигин сатып алганы жатабы? “Жел болбосо чөптүн башы кыймылдабайт” дейт. Түз соболго Улан Бакасов терикпей эле жооп узатса, “Азия Ньюс” гезитинен орун беребиз. Иштин чоо-жайын айтып берсе да ашыктык кылбас эле...
Ал эми УКМК кандай реакция кылат болду экен? Баам сала туралы.
