Прогноз погоды в городе Бишкек
Акыркы кабарлар
» » Бешинчи Дүйнөлүк көчмөндөр оюндары Казакстанда өтмөй болду

Бешинчи Дүйнөлүк көчмөндөр оюндары Казакстанда өтмөй болду

03-октябрь, 12:17
204 ᠌ ᠌ ᠌ ᠌᠌ ᠌ ᠌᠌

Бешинчи Дүйнөлүк көчмөндөр оюндары Казакстанда өтмөй болду. Бул тууралуу Түркиянын жаштар жана спорт министри Мехмет Касапоглу IV Дүйнөлүк көчмөндөр оюндарынын жабылыш аземинде сүйлөп жатып билдирди.

"Биз бул аманатты Кыргызстандан алдык. Эми Казакстанга өткөрүп берип жатабыз", - деди ал.

Оюндардын жыйынтыктоочу аземине Кыргызстандын Маданият, маалымат, спорт жана жаштар саясаты министри Азамат Жаманкулов жана Казакстандын Маданият жана спорт министри Даурен Абаев да катышты.

Түркиянын Изник шаарында өткөн IV Дүйнөлүк көчмөндөр оюндары 29-сентябрда башталып, 2-октябрда жыйынтыкталды. Ага 102 өлкөдөн үч миңдей спортчу катышты. Кыргызстандан 148 спортчу, спорттун 11 түрү боюнча күч сынашты.

Кыргызстандын демилгеси менен 2014-жылдан бери өткөрүлүп келген Дүйнөлүк көчмөндөр оюндары буга чейин үч жолу Ысык-Көлдө уюштурулган.

Түркиядагы Дүйнөлүк көчмөндөр оюндарынын тумары катары бөлтүрүк тандалды. Тумар түрк элдеринин тарыхый жери саналган - Өтүкен деп аталды.
Бөлүшүү:
Тектеш материалдар:
Эң көп окулгандар
Бүркүттүн алдында калган коёндой эле бырпырадым…
Жөтөлдөн айыгууга сонун рецепттерди сунуштайбыз. Сактап коюңуз!
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Лейлектеги атышуу: "Кыргыз элим, биз жардамсыз калдык..."
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
Өлгөн адамдар түшкө кирсе эмне болот?
Aryba.kg - Маалымат порталы
Сайтка баа бер